ന്യൂദല്ഹി- ചെരിപ്പുകള്,വസ്ത്രങ്ങള് എന്നിവയ്ക്ക് നികുതി വര്ധിപ്പിക്കാനുള്ള തീരുമാനം ജിഎസ്ടി കൗണ്സില് മാറ്റിവെച്ചു. വ്യാപാരസംഘടനകളുടെ എതിര്പ്പിനെ തുടര്ന്നാണ് നികുതി 5 ശതമാനത്തില് നിന്നും 12 ശതമാനമാക്കി വര്ധിപ്പിച്ച തീരുമാനമാണ് മാറ്റിവെച്ചത്.
അടിയന്തിരമായി കേന്ദ്ര ധനകാര്യമന്ത്രി നിര്മല സീതാരാമന് വിളിച്ച് ചേര്ത്ത ജിഎസ്ടി കൗണ്സില് യോഗത്തിലാണ് സുപ്രധാനതീരുമാനമുണ്ടായത്. ചെരിപ്പുകള്ക്കും വസ്ത്രങ്ങള്ക്കും വര്ധിപ്പിച്ച 12 ശതമാനം നികുതി നാളെ മുതല് നിലവില് വരാനിരിക്കെയാണ് തീരുമാനം മാറ്റിവെച്ചത്.
