ആലപ്പുഴ- സ്‌കൂട്ടറിൽ ജീപ്പിടിച്ച് സ്‌കൂട്ടർ യാത്രികനായ യുവാവ് മരിച്ചു. മണ്ണഞ്ചേരി ചിയാംവെളി വെളിയിൽ ഷംസുദ്ദീൻ -ജുമൈലത്ത് ദമ്പതികളുടെ മകൻ ഷമീർ (26) ആണ് മരിച്ചത്. വണ്ടിയിൽ റോഡരികിൽ പഴവർഗങ്ങൾ കച്ചവടം നടത്തി വരികയായിരുന്നു. ഞായറാഴ്ച രാത്രി എട്ടോടെ ആലപ്പുഴ -തണ്ണീർമുക്കം റോഡിൽ നേതാജി ജംഗ്ഷന് സമീപമായിരുന്നു അപകടം.റോഡ് മുക്കിലുള്ള ബന്ധുവിന്റെ കടയിലേക്ക് പോവുകയായിരുന്ന ഷമീറീന്റെ സ്‌കൂട്ടറിൽ ആലപ്പുഴ ഭാഗത്ത് നിന്നും വന്ന ജീപ്പ് ഇടിക്കുകയായിരുന്നു. അപകടത്തിൽ പെട്ട ഷമീറീനെ ജീപ്പിൽ ഉണ്ടായിരുന്നവരാണ് വണ്ടാനം മെഡിക്കൽ കോളേജ് ആശുപത്രിയിൽ കൊണ്ടുപോയത്. സഹോദരങ്ങൾ: ഷംലത്ത്, ഷംന
