ഭോപാല്‍- മധ്യപ്രദേശില്‍ യുവാവിനൊപ്പം സ്‌കൂട്ടറിനു പിറകിലിരുന്ന് യാത്ര ചെയ്ത യുവതിയെ ഒരു സംഘം ആളുകള്‍ തടഞ്ഞ് നിര്‍ത്തി ഹിജാബ് അഴിപ്പിച്ച് ചോദ്യം ചെയ്തു. ഭോപാലിലെ ഇസ്‌ലാം നഗറില്‍ ഹിന്ദു യുവാവിനൊപ്പം യാത്ര ചെയ്തതെന്ന് ആരോപിച്ചായിരുന്നു സംഘം ഇവരെ തടഞ്ഞത്. യുവതിയുടെ ഹിജാബ് അഴിപ്പിക്കുന്ന വിഡിയോയും പ്രചരിച്ചു. വിസമ്മതത്തോടെ യുവതി കരയുന്നതും ദൃശ്യത്തില്‍ കാണാം. യുവതിയുടെ അബായ സംഘം ഊരി വാങ്ങുകയും ചെയ്തു. യുവതിക്കൊപ്പമുണ്ടായിരുന്നത് ഹിന്ദു യുവാവ് ആണെന്ന് സംശയിച്ചാണ് സംഘം ഇവരെ തടഞ്ഞതെന്ന് പോലീസ് പറഞ്ഞു. സ്‌കൂട്ടര്‍ തടഞ്ഞ രണ്ടു പേരെ കസ്റ്റഡിയിലെടുത്ത് താക്കീതു ചെയ്ത് വിട്ടയച്ചതായും സംഭവത്തില്‍ കേസെടുത്തിട്ടില്ലെന്നും പോലീസ് പറഞ്ഞു.
A girl was forced to remove her burkha as the people suspected that the man on whose scooter she was riding pillion was a Hindu, in Islam Nagar, Bhopal on Saturday afternoon @ndtv @ndtvindia pic.twitter.com/66QPE5OJax
— Anurag Dwary (@Anurag_Dwary) October 16, 2021
