തലശ്ശേരി- പുതിയ ബസ് സ്റ്റാന്‍ഡില്‍ ബസ് ടെര്‍മിനലിന് മുകളിലുള്ള ഗോഡൗണിന് തീപിടിച്ചു. സിറ്റി ഗിഫ്റ്റ് ആന്‍ഡ് ടോയ്‌സ് എന്ന കടയുടെ ഗോഡൗണിനാണ് തീപിടിച്ചത്.
തിങ്കളാഴ്ച രാവിലെ ഒമ്പതരയോടെയാണ് തീപടര്‍ന്നത്. അഗ്‌നിരക്ഷാസേനയുടെ മൂന്ന് യൂണിറ്റ് എത്തിയാണ് തീയണച്ചത്. ആളപായമില്ല. വില്‍പനക്കായി സൂക്ഷിച്ച പ്ലാസ്റ്റിക് നിര്‍മിത കളിപ്പാട്ടങ്ങളും മറ്റും കത്തിനശിച്ചു. ഷോര്‍ട് സര്‍ക്യൂട്ടാണ് തീപ്പിടിത്തത്തിന് കാരണമെന്ന് അഗ്‌നിരക്ഷാസേന അറിയിച്ചു. ഒമ്പത് ലക്ഷം രൂപയുടെ നഷ്ടം കണക്കാക്കുന്നു.
