ജയ്പൂര്‍- ആറു വയസ്സുള്ള മകന്‍ നോക്കി നില്‍ക്കെ സ്വിമ്മിങ് പൂളില്‍ മുതിര്‍ന്ന പോലീസ് ഓഫീസറുമായി രതി ലീലകളിലേര്‍പ്പെട്ട വനിതാ കോണ്‍സ്റ്റബിളിനെ രാജസ്ഥാന്‍ പോലീസ് സ്‌പെഷ്യല്‍ ഓപറേഷന്‍സ് ഗ്രൂപ്പ് അറസ്റ്റ് ചെയ്തു. ഈ വിഡിയോ കഴിഞ്ഞ ദിവസം വ്യാപകമായി പ്രചരിച്ചതിനെ തുടര്‍ന്നാണ് നടപടി. വിഡിയോയില്‍ ഉള്‍പ്പെട്ട മുതില്‍ രാജസ്ഥാന്‍ പോലീസ് സര്‍വീസ് ഉദ്യോഗസ്ഥന്‍ ഹീര ലാല്‍ സൈനിയെ നേരത്തെ അറസ്റ്റ് ചെയ്തിരുന്നു. വനിതാ കോണ്‍സ്റ്റബിളിന്റെ ജന്മദിനം ആഘോഷിക്കാനാണ് ഇവര്‍ പുഷ്‌കറിലെ ഒരു റിസോര്‍ട്ടില്‍ എത്തിയത്. ഇവിടെ സ്വിമ്മിങ് പൂളില്‍ വച്ചാണ് ആറു വയസ്സുള്ള മകന്‍ നോക്കി നില്‍ക്കെ ഇരുവരും ശാരീരക ബന്ധത്തിലേര്‍പ്പെട്ടത്. അജ്‌മേറിയെ ബേവാര്‍ സര്‍ക്കിള്‍ ഓഫീസറാണ് സൈനി. വനിതാ കോണ്‍സ്റ്റബിള്‍ ജയ്പൂരിലാണ് ജോലി ചെയ്യുന്നത്. പോക്‌സോ നിയമ പ്രകാരം വിവിധ വകുപ്പുകള്‍ ചുമത്തിയാണ് വനിതാ കോണ്‍സ്റ്റബിളിനെതിരെ കേസെടുത്തിരിക്കുന്നത്. ഇവരെ കോടതിയില്‍ ഹാജരാക്കി സെപ്തംബര്‍ 17 വരെ പോലീസ് കസ്റ്റഡിയില്‍ വിട്ടു. കുട്ടിയെ ശിശുക്ഷേമ സമിതി മുമ്പാകെ ഹാജരാക്കും.
ജൂലൈ 10നാണ് വനിതാ കോണ്‍സ്റ്റബിളിന്റെ മൊബൈലില്‍ ഈ വിഡിയോ ഷൂട്ട് ചെയ്തത്. ഇത് അബദ്ധത്തില്‍ കോണ്‍സ്റ്റബിള്‍ വാട്‌സാപ്പ് സ്റ്റാറ്റസ് ആക്കുകയും ഭര്‍ത്താവ് കാണുകയും ചെയ്തു. ഇതോടെ വിഡിയോ സമൂഹമാധ്യമങ്ങളില്‍ വൈറലായി. ഭര്‍ത്താവിന്റെ പരാതിയിലാണ് സൈനിയെ പോലീസ് അറസ്റ്റ് ചെയ്തത്. ഭാര്യയുടെ മുന്നിലിട്ട് തന്റെ മകനെ സൈനി മോശമായ രീതിയില്‍ സ്പര്‍ശിക്കുകയും ഇത് കുട്ടികള്‍ക്കെതിരായ അതിക്രമമാണെന്നും ഭര്‍ത്താവ് പരാതിപ്പെട്ടിരുന്നു.
അശ്ലീല വിഡിയോ വൈറലായതോടെ സൈനിയേയും വനിതാ കോണ്‍സ്റ്റബിളിനേയും നേരത്തെ മോശം പെരുമാറ്റത്തിന്റെ പേരില്‍ പോലീസ് സസ്‌പെന്‍ഡ് ചെയ്തിരുന്നു.
