സൗദി അറേബ്യയിലെ അല്‍കോബാറില്‍ സൂപ്പര്‍മാര്‍ക്കറ്റ് കൊള്ളയടിക്കാനെത്തിയവരെ കീഴടക്കുന്ന വീഡിയോ സമൂഹ മാധ്യമങ്ങളില്‍ വൈറലായി. തോക്കുമായി എത്തിയ കവര്‍ച്ചക്കാരെ ഈജിപ്തുകാരനാണ് കീഴടക്കിയത്. പോലീസ് അറസ്റ്റ് ചെയ്ത കവര്‍ച്ചക്കാര്‍ അതേ ദിവസം തന്നെ മറ്റു കടകളിലും കവര്‍ച്ച നടത്തിയിരുന്നതായി തെളിഞ്ഞു.
സൂപ്പര്‍മാര്‍ക്കറ്റില്‍ റൊട്ടി വാങ്ങാനെത്തിയ ഈജിപ്തുകാരനെ കവര്‍ച്ചക്കാര്‍ ആദ്യം തോക്കു ചൂണ്ടി ഭീഷണിപ്പെടുത്തിയെങ്കിലും അവസരം ഒത്തു വന്നപ്പോള്‍ മല്‍പ്പിടിത്തത്തിലൂടെ കവര്‍ച്ചക്കാരില്‍ ഒരാളെ കീഴ്‌പ്പെടുത്തുകയായിരുന്നു.
