ചണ്ഡിഗഡ്- മുട്ട മോഷ്ടിച്ചതിന് പഞ്ചാബ് പോലീസിലെ പോലീസുകാരനെ സസ്‌പെന്‍ഡ് ചെയ്തു. ചണ്ഡിഗഢിലെ ഉന്ത് വണ്ടിയില്‍ നിന്ന് ഒരു പോലീസുകാരന് മുട്ട മോഷ്ടിക്കുന്നതിന്റെ വീഡിയോ നേരത്തെ വൈറലായിരുന്നു. ഇതേത്തുടര്‍ന്നാണ് പഞ്ചാബ് പോലീസിലെ ഹെഡ് കോണ്‍സ്റ്റബിളിനെ സസ്‌പെന്‍ഡ് ചെയ്തത്. പഞ്ചാബിലെ ഫത്തേഗഢ് സാഹിബ് പോലീസ് സ്‌റ്റേഷനിലെ പ്രിത്പാല്‍ സിംഗ് എന്ന ഹെഡ് കോണ്‍സ്റ്റബിളിനെയാണ് സസ്‌പെന്‍ഡ് ചെയ്തത്. ഇത് സംബന്ധിച്ച് പഞ്ചാബ് പോലീസ് ട്വീറ്റ് ചെയ്തിട്ടുണ്ട്.പ്രിത്പാല്‍ സിംഗിന്റെ വീഡിയോ വൈറലായതോടെ സംഭവം പഞ്ചാബ് പോലീസിന് നാണക്കേടുണ്ടാക്കിയിരുന്നു. വൈറലായ വീഡിയോയില്‍, പോലീസുകാരന് വണ്ടിയില്‍ നിന്ന് മുട്ടകള്‍ എടുത്ത് പോക്കറ്റിലിടുന്നത് കാണാം.
