നാടന്‍ ക്ലോസറ്റില്‍ അമേദ്യ രൂപത്തില്‍ കേക്കുണ്ടാക്കി നവവരനേയും വധുവിനേയും തീറ്റിച്ച സംഭവം കേരളത്തില്‍ ഈയിടെ ഏറെ ചര്‍ച്ചയായിരുന്നു. കുറ്റബോധത്താല്‍ ക്ഷമ ചോദിക്കുന്ന വരന്റെ സന്ദേശവും പിന്നീട് പുറത്തുവന്നു.
ഇപ്പോള്‍ ഇതാ യുവതി യൂറോപ്യന്‍ ക്ലോസറ്റില്‍ തയാറാക്കിയ പാര്‍ട്ടി ഡ്രിങ്ക്‌സ് കൂട്ടുകാര്‍ക്ക് കുടിക്കാന്‍ നല്‍കുന്ന വീഡിയോ സമൂഹ മാധ്യമങ്ങളില്‍ വൈറലായി. കേരളത്തില്‍നിന്നല്ലെന്ന് മാത്രം.
വീഡിയോ പുറത്തുവന്നതിനെ തുടര്‍ന്ന് ഇങ്ങനെയൊക്കെ ചെയ്യാമോ എന്നു ചോദിച്ച് ലൈസന്‍സുള്ള പ്ലംബര്‍മാര്‍ അടക്കം പങ്കെടുക്കുന്ന ചര്‍ച്ചയും പുരോഗമിക്കുകയാണ്. എത്ര തന്നെ വൃത്തിയാക്കിയാലും ക്ലോസറ്റില്‍ ലക്ഷക്കണക്കിന് അണുക്കളുണ്ടാകുമെന്നാണ് ആളുകളുടെ പ്രതികരണം.
ഐസ്‌ക്രീമും മധുരപലഹാരങ്ങളും കൂള്‍ ഡ്രിങ്ക്‌സും ക്ലോസ്റ്റില്‍ ചേര്‍ത്ത് ഫ്‌ളഷ് ചേയത് തയാറാക്കുന്നതാണ് രണ്ട് മിനിറ്റ് ദൈര്‍ഘ്യമുള്ള വീഡിയോ.
ആദ്യം തന്റെ ടീഷര്‍ട്ട് ക്ലോസറ്റില്‍ അമർത്തിയ ശേഷം ഐസ് ക്യൂബ്‌സ്, ഐസ്‌ക്രീം, തുടങ്ങിയവ ക്ലോസ്റ്റിലേക്കിടുന്നു. പിന്നീട് ശീതള പാനീയങ്ങളും മധുരപലഹാരങ്ങളും കൂടി ഇട്ട് ഫ് ളഷ് ചെയ്തു. എല്ലാം കൂടി മിക്‌സ് ചെയ്ത് എടുത്തു വെച്ചിരിക്കുന്ന ഗ്ലാസുകളില്‍ നിറയ്ക്കുന്നു. തുടര്‍ന്ന് പുറത്തു നില്‍ക്കുകയായിരുന്നു സുഹൃത്തുക്കള്‍ക്ക് നല്‍കുകയായിരുന്നു.
സമൂഹ മാധ്യമങ്ങളില്‍ പോസ്റ്റ് ചെയ്ത വീഡിയോ ലക്ഷങ്ങളാണ് കണ്ടഫെയ്‌സ്ബുക്ക് പ്രാങ്ക് നെറ്റ് വര്‍ക്കിന്റെ ഭാഗമായ ടെയ്‌ലര്‍ വാട്‌സണ്‍ എന്ന സംഗീതജ്ഞനാണ് ഈ വീഡിയോ തയ്യാറാക്കിയത്.
