അഹമ്മദാബാദ്- യുവതിയെ കൂട്ടബലാത്സംഗം ചെയ്തു കൊലപ്പെടുത്തിയ സംഭവത്തില് മൂന്ന് പേര് അറസ്റ്റില്. മൂന്നു പേര് ചേര്ന്ന് 25കാരിയ്ക്ക് മയക്കുമരുന്ന്നല്കിയ ശേഷം കൂട്ടബലാത്സംഗത്തിനിരയാക്കുകയായിരുന്നു. ഗുജറാത്തിലെ അഹമ്മദാബാദിനു സമീപമാണ് ഞെട്ടിക്കുന്ന സംഭവമുണ്ടായത്.അഹമ്മദാബാദ് ഓള്ഡ് സിറ്റിയ്ക്ക് സമീപത്തു നിന്നാണ് യുവതിയുടെ മൃതദേഹം കണ്ടെത്തിയത്. ഏപ്രില് 17നു കണ്ടെത്തിയ മൃതദേഹത്തില് നിരവധി മുറിവുകളും ഉണ്ടായിരുന്നു. യുവതിയുടെ ഭര്ത്താവിനെ കണ്ടെത്തിയതോടെയാണ് മരിച്ചത് ആരെന്ന കാര്യത്തില് പോലീസിനു വ്യക്തത വന്നത്. യുവതി പലതവണ പീഡിപ്പിക്കപ്പെട്ടിരുന്നുവെന്നാണ് പോസ്റ്റ് മോര്ട്ടം പരിശോധനയില് വ്യക്തമായിട്ടുള്ളത്. യുവതിയുടെ തലയിലും സ്വകാര്യഭാഗങ്ങളിലും പരിക്കുണ്ടെന്നും ഈ പരിക്കുകളാണ് മരണത്തിന് കാരണമായിട്ടുള്ളതെന്നുമാണ് പോസ്റ്റ് മോര്ട്ടം റിപ്പോര്ട്ട്.
