ചിത്രക്കൂട്ട്(മധ്യപ്രദേശ്) മധ്യപ്രദേശ് നിയമസഭയിലേക്ക് ചിത്രകൂട്ട് മണ്ഡലത്തിൽ നടന്ന ഉപതെരഞ്ഞെടുപ്പിൽ കോൺഗ്രസ് സ്ഥാനാർഥിക്ക് ജയം. 14,133 വോട്ടിനാണ് നിലാൻഷു ചതുർവേദി ബി.ജെ.പിയിലെ ശങ്കർ ദയാൽ ത്രിപാഠിയെ തോൽപ്പിച്ചത്. ചതുർവേദി 66,180 വോട്ടുകൾ നേടിയപ്പോൾ ത്രിപാഠിക്ക് 52,677 വോട്ടുകൾ ലഭിച്ചു. കോൺഗ്രസ് എം.എൽ.എ പ്രം സിംഗിന്റെ മരണത്തെ തുടർന്നാണ് ഇവിടെ ഉപതെരഞ്ഞെടുപ്പ് നടന്നത്. 1998, 2003, 2013 വർഷങ്ങളിൽ നടന്ന ഉപതെരഞ്ഞെടുപ്പിൽ ഈ മണ്ഡലത്തിൽനിന്ന് പ്രേം സിംഗായിരുന്നു വിജയിച്ചിരുന്നത്. 2008-ൽ മണ്ഡലം ബി.ജെ.പിക്കൊപ്പമായിരുന്നു. ആ വർഷം ബി.ജെ.പിയുടെ സുരേന്ദ്ര സിംഗാണ് ഇവിടെ വിജയിച്ചത്. 12 പേരാണ് ഇക്കുറി മത്സരിക്കാനുണ്ടായിരുന്നത്.
