രാജ്യസഭയില്‍ അച്ചടക്കമില്ലാതെ പെരുമാറിയതിനാണ് നടപടിയെന്ന് രാജ്യസഭാധ്യക്ഷന്‍ എം. വെങ്കയ്യ നായിഡു പറഞ്ഞു.
ന്യൂദല്‍ഹി- രാജ്യസഭയില്‍ കര്‍ഷക ബില്‍ പാസാക്കുന്നതിനിടെ പ്രതിഷേധിച്ച കേരളത്തില്‍നിന്നുള്ള എളമരം കരീം, കെ.കെ. രാഗേഷ് എന്നിവരുള്‍പ്പെടെ എട്ട് അംഗങ്ങള്‍ക്കെതിരെ അച്ചടക്ക നടപടി.
രാഗേഷിനും എളമരം കരീമിനും പുറമെ, ഡെറക് ഒ ബ്രെയ്ന്‍, സഞ്ജയ് സിംഗ്, രാജു സാതവ്, റിപുന്‍ ബോറ, ഡോല സെന്‍, സയ്യിദ് നിസാര്‍ ഹുസൈന്‍ എന്നീ അംഗങ്ങളെ ഒരാഴ്ചത്തേക്ക് സസ്‌പെന്‍ഡ് ചെയ്തു.
രാജ്യസഭയില്‍ അച്ചടക്കമില്ലാതെ പെരുമാറിയതിനാണ് നടപടിയെന്ന് രാജ്യസഭാധ്യക്ഷന്‍ എം. വെങ്കയ്യ നായിഡു പറഞ്ഞു.
രാജ്യസഭയിൽ ഇന്നലെയുണ്ടായ സംഭവങ്ങൾ നിർഭാഗ്യകരമാണ്. കാർഷിക ബില്ലുകൾ പാസാക്കുന്നതിനിടെ സഭയെ അവഹേളിക്കുന്ന തരത്തിലുള്ള പെരുമാറ്റം ചില അംഗങ്ങളുടെ ഭാഗത്തു നിന്നുണ്ടായി രാജ്യസഭ ഉപാദ്ധ്യക്ഷനെ അപമാനിച്ചുവെന്നും എംപിമാരുടെ പെരുമാറ്റം അപലപനീയമെന്നും വെങ്കയ്യ നായിഡു പറഞ്ഞു.
