ജമ്മു-പുല്‍വാമയില്‍ റെയ്ഡിനിടെ നടന്ന ഏറ്റുമുട്ടലില്‍ ഒരു തീവ്രവാദി കൊല്ലപ്പെട്ടു. ത്രാലിലെ ചെവ ഉലാര്‍ മേഖലയിലാണ് വെടിവെപ്പ് നടന്നത്. ആക്രമണത്തിന്റെ 21 സെക്കന്റ് ദൈര്‍ഘ്യമുള്ള വീഡിയോ എഎന്‍ഐ പുറത്തുവിട്ടു.കഴിഞ്ഞ കുറച്ച് നാളുകളായി പുല്‍വാമയിലെ നിരവധി മേഖലകളിലാണ് സൈന്യവും തീവ്രവാദികളും തമ്മിലുള്ള ഏറ്റുമുട്ടല്‍ നടക്കുന്നത്.
ഇന്നലെ തീവ്രവാദികള്‍ക്കായി നടന്ന പരിശോധന ഏറ്റുമുട്ടലില്‍ കലാശിക്കുകയായിരുന്നു. ഇന്നലെ രാത്രിയോടെ നടന്ന വെടിവെപ്പ് ഇന്ന് പുലര്‍ച്ചെ വരെ നീണ്ടുനിന്നതായാണ് വിവരം. ഒരു തീവ്രവാദി കൊല്ലപ്പെട്ടതായി സൈനിക വൃത്തങ്ങള്‍ അറിയിച്ചിട്ടുണ്ട്.അതേസമയം ഏത് തീവ്രവാദിഗ്രൂപ്പാണിതെന്ന് തിരിച്ചറിഞ്ഞിട്ടില്ല.
#WATCH J&K: Gunshots heard & smoke seen rising out of Chewa Ular in Tral area of Awantipora, Pulwama district where an encounter between terrorists & security forces started last evening. Operation is still underway. (Visuals deferred by unspecified time) pic.twitter.com/FsSYuWbLKi
— ANI (@ANI) June 26, 2020
