ഐഫോണ്‍ വിട്ട് കളിയില്ല; ഇബ്രാഹിം ഖാസിമി വാങ്ങിയത് ഒരു ഡസന്‍

ദുബായ്- പുതിയ പതിപ്പുകള്‍ ഇറങ്ങാന്‍ കാത്തരിക്കുന്ന ഉപയോക്താക്കളാണ് ഐഫോണിന്റെ വിജയം. യു.എ.ഇയില്‍ ഇന്നലെ ഐഫോണ്‍ 8 ന്റെ വിവതരണം ആരംഭിച്ചപ്പോള്‍ ഒരാള്‍ കുടുംബത്തിലേക്ക് വാങ്ങിയത് ഒരു ഡസന്‍ ഫോണ്‍.
ഐഫോണ്‍ സെവന്‍ ഇറങ്ങിയപ്പോള്‍ ഉണ്ടായതു പോലുള്ള തിരക്കില്ല. ഒരു പക്ഷേ ഐഫോണ്‍ എക്‌സ് നവംബര്‍ നാലിന് വരാനിരിക്കുന്നതുകൊണ്ടാകാം.

ദുബായ് മാള്‍, മാള്‍ ഓഫ് ദ എമിറേറ്റ്‌സ്, അബുദാബിയിലെ യാസ് മാള്‍ എന്നിവിടങ്ങളില്‍ പുറത്തിറിക്കിയ ഐഫോണ്‍ 8 വാങ്ങന്‍ നൂറോളം ഉപയോക്താക്കള്‍ മാത്രമേ എത്തിയുള്ളൂ. ലോകത്തിന്റെ വിവിധ ഭാഗങ്ങളിലും ഐഫോണ്‍ 8 ഉദ്ഘാടനത്തിന് കാര്യമായ പ്രതികരണം ഉണ്ടായിട്ടില്ല. പുതുമകളേറെയുളള ഐഫോണ്‍ പത്തിനുവേണ്ടി ക്ഷാമയോടെ കാത്തിരിക്കുകയാണ് എല്ലാവരും.

അല്‍ഐന്‍ സ്വദേശിയായ ഇബ്രാഹിം അല്‍ഖാസിമി 12 ഐഫോണ്‍ 8 നാണ് മുന്‍കൂര്‍ ഓര്‍ഡര്‍ നല്‍കിയിരുന്നത്. ഒന്ന് തനിക്കും ബാക്കി കുടുംബാംഗങ്ങള്‍ക്കും. ഭാര്യയും കുട്ടികളുമൊക്കെ ഐഫോണ്‍ വാങ്ങനെത്തിയിരുന്നു. ഏറ്റവും ചെറിയ കുട്ടിക്കുമുണ്ട് ഒരു ഐഫോണ്‍.

നവംബര്‍ നാലിന് ഇറങ്ങുന്ന ഐ ഫോണ്‍ പത്തും വാങ്ങുമോ എന്ന ചോദ്യത്തന് ഇബ്രാഹിം അല്‍ ഖാസിമിക്ക് സംശയമൊന്നുമില്ല. ഇന്‍ശാ അല്ലാഹ്.. 27 ന് പ്രീഓര്‍ഡര്‍ തുടങ്ങുകയല്ലേ, ബുക്ക് ചെയ്യണം-അദ്ദേഹം പറഞ്ഞു.
4.7 ഇഞ്ച് ഐഫോണ്‍ 8ഉും 5.5 ഇഞ്ച് 8 പ്ലസും 64 ജിബി, 256 ജിബി ശേഷിയില്‍ ലഭ്യമാണ്. വില യഥാക്രമം 2849 ദിര്‍ഹം/ 3749 ദിര്‍ഹം, 3249 ദിര്‍ഹം/3879 ദിര്‍ഹം.