മഡ്രീഡ്- കൊറോണ ബാധയെ തുടർന്ന് ആശുപത്രിയിൽ പ്രവേശിപ്പിക്കപ്പെട്ട റയൽ മഡ്രീഡ് മുൻ പ്രസിഡന്റ് ലോറൻസോ സാൻസ് (76)അന്തരിച്ചു. അദ്ദേഹത്തിന്റെ മകൻ ലോറൻസോ സാ്ൻസ് ജൂനിയറാണ് ഇക്കാര്യം അറിയിച്ചത്. 1995-2000 കാലഘട്ടത്തിൽ റയൽ മഡ്രീഡിന്റെ പ്രസിഡന്റ് പദവി വഹിച്ചത് ലോറൻസോ സാൻസായിരുന്നു.
റയൽ മഡ്രീഡിന്റെ ബോർഡിൽ 1980-ലാണ് ഇദ്ദേഹം എത്തിയത്. മഡ്രീഡിലെ ആശുപത്രിയിൽ മൂന്ന് ദിവസം മുമ്പാണ് ഇദ്ദേഹത്തെ പ്രവേശിപ്പിച്ചത്. നിലവിൽ 1320 പേർ കൊറോണ ബാധിച്ച് മഡ്രീഡിലെ ആശുപത്രിയിൽ ചികിത്സയിലാണ്.
