ന്യൂദല്‍ഹി-കൊറോണ പടരുന്ന സാഹചര്യത്തില്‍ അച്ഛന്‍ സ്വന്തം സുരക്ഷയും വീട്ടിലുള്ളവരുടെ സുരക്ഷയും പരിഗണിക്കുന്നില്ല എന്ന പരാതിയുമായി ശശി തരൂര്‍ എം.പി.യുടെ മകന്‍ ഇഷാന്‍ തരൂര്‍.അച്ഛന്‍ ആരെയും പരിഗണിക്കാതെ പാര്‍ലമെന്റില്‍ പോകുന്നുവെന്നാണ് ഇഷാന്റെ പരാതി. ട്വിറ്ററിലൂടെയാണ് ഇഷാന്റെ പ്രതികരണം.
'വ്യക്തികള്‍ തമ്മിലുള്ള സാമൂഹിക അകലം നടപ്പാക്കാനുള്ള നിര്‍ണായക നടപടികള്‍ സര്‍ക്കാര്‍ സ്വീകരിക്കുന്നതിനിടെ, ആളുകള്‍ അടുത്തടുത്തിരിക്കുന്ന പാര്‍ലമെന്റിലേക്ക് പോകാന്‍ അച്ഛന്‍ നിര്‍ബന്ധം പിടിക്കുന്നുവെന്നാണ് ഇഷാന്റെ പരാതി. ഇത് അദ്ദേഹത്തിനു മാത്രമല്ല, വീട്ടിലുള്ള മുഴുവന്‍ ആളുകള്‍ക്കും അപകടരമാണ്. പ്രായമായ എന്റെ മുത്തശ്ശിക്ക് ഉള്‍പ്പെടെ', ഇഷാന്‍ ട്വിറ്ററില്‍ കുറിച്ചു.
ട്വിറ്ററിലൂടെയുള്ള മകന്റെ പരാമര്‍ശത്തിന് മറുപടിയുമായി ശശി തരൂര്‍ എത്തി. സാമൂഹിക അകലം പാലിക്കുന്നതില്‍നിന്നു ജനപ്രതിനിധികളെ ഒഴിവാക്കിയിട്ടുണ്ടെന്നും അതിനു കാരണം, ഡോക്ടര്‍മാരെയും ഭക്ഷണവിതരണക്കാരെയും പോലെ ജനങ്ങളെ സേവിക്കുക എന്നത് അവരുടെ ഉത്തരവാദിത്തമാണെന്നും തരൂര്‍ മറുപടി നല്‍കി.
