ന്യൂദൽഹി- ലോക്‌സഭയിൽ കോൺഗ്രസ് നേതാവ് രാഹുൽ ഗാന്ധിയെ ട്യൂബ് ലൈറ്റ് എന്ന് പരിഹസിച്ച പ്രധാനമന്ത്രി നരേന്ദ്രമോഡിക്കെതിരെ കടുത്ത വിമർശനവുമായി കോൺഗ്രസ് നേതാവ് മല്ലികാർജുൻ ഖാർഗെ. നരേന്ദ്രമോഡി സീറോ ബൾബാണെന്നും തെളിയാൻ കുറച്ച് സമയമെടുക്കുമെങ്കിലും ട്യൂബ് ലൈറ്റാണ് നല്ലതെന്നും ഖാർഗെ വ്യക്തമാക്കി.
ലോക്‌സഭയിൽ ഞാനുണ്ടായിരുന്നുവെങ്കിൽ മോഡിക്ക് ചുട്ട മറുപടി നൽകുമായിരുന്നു. ട്യൂബ് ലൈറ്റ് തെളിയാൻ കുറച്ച് സമയമെടുക്കുമെങ്കിലും അത് നല്ല വെളിച്ചമാണ് അത് നൽകുക. പക്ഷെ ഒരു സീറോ ബൾബ് വെളിച്ചം നൽകില്ല, അത് പെട്ടെന്ന് തെളിയുമെങ്കിലും അത് മികച്ച വെളിച്ചം നൽകില്ലെന്നും മോഡിയോ ഓർമ്മിപ്പിക്കുമായിരുന്നു-ഖാർഗെ പറഞ്ഞു. അധികാരത്തിലേറാൻ വേണ്ടി പറഞ്ഞ മുഴുവൻ കാര്യങ്ങളും കള്ളമായിരുന്നുവെന്ന് മോഡി ഓരോ ദിവസവും തെളിയിച്ചുകൊണ്ടിരിക്കുകയാണെന്നും ഖാർഗെ ആരോപിച്ചു.
