ന്യൂദല്‍ഹി- നിര്‍ഭയ കേസ് പ്രതികളുടെ വധശിക്ഷ നാളെ നടപ്പിലാക്കില്ല. മരണ വാറണ്ട് കോടതി സ്റ്റേ ചെയ്തു.
വധശിക്ഷ നീട്ടിവെക്കണമെന്നാവശ്യപ്പെട്ട് രണ്ട് പ്രതികള്‍ സമര്‍പ്പിച്ച ഹരജിയിന്മേലാണ് പട്യാല ഹൗസ് കോടതിയുടെ സ്റ്റേ. കേസില്‍ വധശിക്ഷ കാത്തുകഴിയുന്ന പ്രതികളായ അക്ഷയ്, വിനയ് എന്നിവരാണ് ഹരജി നല്‍കിയത്. തങ്ങളുടെ ദയാഹരജിയില്‍ രാഷ്ട്രപതി ഇതുവരെ തീരുമാനമെടുത്തില്ലെന്ന് ചൂണ്ടിക്കാട്ടിയാണ് ഇരുവരും ഹരജി സമര്‍പ്പിച്ചത്.
ശനിയാഴ്ച രാവിലെ ആറിന് നാല് പ്രതികളുടെ വധശിക്ഷ നടപ്പാക്കാനായിരുന്നു ഉത്തരവ്.
