മാഹി - ലീഗ് പുതുച്ചേരി സംസ്ഥാന സ്ഥാപക പ്രസി ഡണ്ടും, നാഷണല്‍ കൗണ്‍സില്‍ അംഗവും, പുതുച്ചേരി സ്വതന്ത്ര തൊഴിലാളി യൂണിയന്‍ സ്ഥാപക നേതാവും, മുതിര്‍ന്ന മാധ്യമ പ്രവര്‍ത്തകനും, മയ്യഴിയിലെ മുസ്ലിം ലീഗിന്റെ സ്ഥാപകനുമായ മഞ്ചക്കലിലെ സി.വി.സുലൈമാന്‍ ഹാജി ( 68 ) വ്യാഴാഴ്ച പുലര്‍ച്ചെ നിര്യാതനായി.
പൂഴിത്തല ജുമാ മസ്ജിദ് കമ്മിറ്റി ജനറല്‍ സെക്രട്ടരി, ചാലക്കര ജുമാ മസ്ജിദ് കമ്മിറ്റി ജനറല്‍ സെക്രട്ടറി, മഞ്ചക്കല്‍ ജുമാ മസ്ജിദ് കമ്മിറ്റി വൈ :പ്രസിഡണ്ട് എനിലകളില്‍ പ്രവര്‍ത്തിച്ചിരുന്നു. മാഹി ഗവ: ജനറല്‍ ആശുപത്രി വികസന സമിതി, സിവില്‍ സപ്‌ളൈസ് കമ്മിറ്റി, അംഗവും, മാഹി പ്രസ്സ് ക്ലബ്ബിന്റെ ട്രഷററായും പ്രവര്‍ത്തിച്ചിട്ടുണ്ട്.നിരവധി സാമൂഹ്യ സാംസ്‌ക്കാരിക സംഘടനകളുടെ സാരഥിയാണ്.
പരേതനോടുള്ള ആദരസൂചകമായി മാഹിയില്‍ ഉച്ചക്ക് രണ്ട് മണി മുതല്‍ വൈകിട്ട് അഞ്ച് മണി വരെ കടകമ്പോളങ്ങളടച്ച് ഹര്‍ത്താലാചരിച്ചു.
