ജിദ്ദ - ദക്ഷിണ ജിദ്ദയിൽ പ്രവർത്തിക്കുന്ന സൂഖുൽ അഹ്ദലിൽ വൻ അഗ്നിബാധ. സിവിൽ ഡിഫൻസ് യൂനിറ്റുകൾ ഏറെ പണിപ്പെട്ട് തീയണച്ചു. ആർക്കും പരിക്കില്ല. ലക്ഷക്കണക്കിന് റിയാലിന്റെ നാശനഷ്ടങ്ങൾ കണക്കാക്കുന്നു.
മറ്റൊരു സംഭവത്തിൽ, ജിസാൻ പ്രവിശ്യയിൽപെട്ട അബൂഅരീശിൽ വ്യാപാര സ്ഥാപനത്തിനു കീഴിലെ ഗോഡൗൺ ഇന്നലെ കത്തിനശിച്ചു. നിർമാണ വസ്തുക്കൾ സൂക്ഷിച്ച ഗോഡൗണിൽ ഇന്നലെ രാവിലെയാണ് തീ പടർന്നുപിടിച്ചത്. സമീപത്തെ സ്ഥാപനങ്ങളിലേക്ക് പടർന്നുപിടിക്കുന്നതിനു മുമ്പായി സിവിൽ ഡിഫൻസ് യൂനിറ്റുകൾ തീയണച്ചു. ആർക്കും പരിക്കോ ആളപായമോ ഉണ്ടായിട്ടില്ലെന്ന് ജിസാൻ സിവിൽ ഡിഫൻസ് വക്താവ് ലെഫ്. കേണൽ യഹ്‌യ അൽഖഹ്താനി പറഞ്ഞു.
