കൊട്ടാരക്കര- കെ.എസ.്ആര്‍.ടി.സി ബസില്‍ സ്ത്രീയെ ലൈംഗികമായി ഉപദ്രവിക്കാന്‍ ശ്രമിച്ചയാള്‍ പിടിയില്‍. പുത്തൂര്‍മുക്കില്‍നിന്ന് കൊട്ടാരക്കരയ്ക്കുളള യാത്രമധ്യേ യാത്രക്കാരിയെ ഉപദ്രവിച്ച കുളക്കട പൂവറ്റൂര്‍ വെസ്റ്റ് അയണിവിള കിഴക്കതില്‍ വീട്ടില്‍ നാരായണന്റെ മകന്‍ സജി കുമാര്‍ (46) ആണ് പിടിയിലായത്.
സ്ത്രീ ബഹളം വച്ചതിനെ തുടര്‍ന്ന് ഇയാള്‍ ബസില്‍ നിന്ന് ഇറങ്ങി ഓടിയെങ്കിലും നാട്ടുകാരും യാത്രക്കാരും ബസ് ജീവനക്കാരും ചേര്‍ന്ന് പിടികൂടുകയായിരുന്നു.
കൊട്ടാരക്കര എസ്.ഐ ആര്‍.രാജീവ്, എസ്.സി.പി.ഒ അനില്‍, എച്ച്.ജി ഗിരീഷ് എന്നിവരെത്തി പ്രതിയെ അറസ്റ്റ് ചെയ്തു.
