ഹൈദരാബാദ്- സോഷ്യല്‍ മീഡിയ ആപ്പായ ടിക് ടോക്കില്‍ വെരിഫൈഡ് അക്കൗണ്ട് തുറന്ന് ഓള്‍ ഇന്ത്യ മജിലിസെ ഇത്തിഹാദുല്‍ മുസ്ലിമീന്‍. ടിക് ടോക്കില്‍ വെരിഫൈഡ് അക്കൗണ്ട് തുറക്കുന്ന ഇന്ത്യയിലെ ആദ്യ രാഷ്ട്രീയ പാര്‍ട്ടിയായി ഓള്‍ ഇന്ത്യ മജിലിസെ ഇത്തിഹാദുല്‍ മുസ്ലിമീന്‍ മാറി.
നിലവില്‍ 7000 ഫോളോവേഴ്‌സുള്ള പാര്‍ട്ടി അക്കൗണ്ടിന് 60,000 പേര്‍ ലൈക്ക് ചെയ്തിട്ടുണ്ട്.
പാര്‍ട്ടി പ്രസിഡന്റും ഹൈദരാബാദ് എംപിയുമായ അസദുദ്ദീന്‍ ഒവൈസി ജനങ്ങളോട് പാര്‍ട്ടി ആസ്ഥാനമായ ദാറുസ്സലാമിലേക്ക് വരാന്‍ ആഹ്വാനം ചെയ്യുന്നതുള്‍പ്പടെ 75 വീഡിയോകളും പേജില്‍ ഷെയര്‍ ചെയ്തിട്ടുണ്ട്.
നിലവില്‍ 20 കോടിയില്‍ അധികം ഉപയോക്താക്കളുള്ള ടിക്ടോക്കിലൂടെ കൂടുതല്‍ യുവജനങ്ങളിലേക്ക് എത്തിച്ചേരാനകുമെന്നാണ് പ്രതീക്ഷയാണ് പാര്‍ട്ടി ഇതിലൂടെ മുന്നോട്ട് വയ്ക്കുന്നത്. 2019ല്‍ ഇതുവരെ ഏറ്റവും കൂടുതല്‍ ഡൗണ്‍ലോഡ് ചെയ്യപ്പെട്ട സോഷ്യല്‍ മീഡിയ ആപ്പാണ് ടിക് ടോക്.
