ന്യൂദല്‍ഹി-രാജ്യത്ത് വിദേശമാധ്യമങ്ങള്‍ക്കായി ജോലി ചെയ്യുന്ന മാധ്യമപ്രവര്‍ത്തകരുമായി സംവദിക്കാനൊരുങ്ങി ആര്‍എസ്എസ് മേധാവി മോഹന്‍ ഭാഗവത്. രാജ്യത്ത് പ്രവര്‍ത്തിക്കുന്ന വിദേശമാധ്യമങ്ങളുടെ 70 പ്രതിനിധികളുമായാണ് ആര്‍എസ്എസ് ചര്‍ച്ച നടത്തുന്നത്. പാശ്ചാത്യമാധ്യമങ്ങള്‍ ആര്‍എസ്എസിനെ തീവ്രഹിന്ദുത്വ വിഭാഗമായാണ് അന്താരാഷ്ട്രസമൂഹത്തിന്റെ മുന്നില്‍ അവതരിപ്പിക്കുന്നത്. ഈ ധാരണ മാറണമെന്നാണ് ആര്‍എസ്എസ് പദ്ധതിയിലൂടെ ആഗ്രഹിക്കുന്നത്. രാജ്യ തലസ്ഥാനത്തും പ്രധാന സംസ്ഥാനങ്ങളിലും ഇതിന്റെ ഭാഗമായി മാധ്യമപ്രവര്‍ത്തകരുമായി മോഹന്‍ ഭാഗവത് സംവദിക്കും.
