ബലാപുര്‍- ഭാര്യയുടെ അമ്മയെ ബലാത്സംഗം ചെയ്ത സംഭവത്തില്‍ യുവാവ് അറസ്റ്റില്‍. മഹാരാഷ്ട്രയിലെ ബലാപുരിലാണ് സംഭവം. കണ്ടിക്കല്‍ സ്വദേശി ഭാസ്‌കറാണ്(27)നെതിരെയാണ് 45 കാരി വീട്ടമ്മയുടെ പരാതിയില്‍ അറസ്റ്റിലായത്.
ബലാത്സംഗത്തിനിരയായ സ്ത്രീയുടെ മകളുമായി ഒരു വര്‍ഷം മുമ്പായിരുന്നു ഇയാളുടെ വിവാഹം. ജൂലായ് 31 ന് ബുധനാഴ്ച രാത്രിയാണ് കേസിനാസ്പദമായ സംഭവം. ഭാര്യാ മാതാവിനെ ബലം പ്രയോഗിച്ച് ആളൊഴിഞ്ഞ സ്ഥലത്ത് കൊണ്ടുപോയി ബലാത്സംഗം ചെയ്തുവെന്നാണ് പരാതി. ഇതിനുശേഷം ഇവരെ വീട്ടില്‍ തിരികെ കൊണ്ടുവിടുകയും ചെയ്തു. സംഭവം പുറത്തുപറയുകയോ പരാതിപ്പെടുകയോ ചെയ്താല്‍ മകളെ ഉപേക്ഷിക്കുമെന്ന് ഭീഷണിപ്പെടുത്തിയെന്നും പറയുന്നു.
വീട്ടമ്മ നേരിട്ട് പോലീസ് സ്‌റ്റേഷനിലെത്തി മരുമകനെതിരെ പരാതിപ്പെടുകയായിരുന്നു. വീട്ടമ്മക്ക് വൈദ്യ പരിശോധന നടത്തി. അറസ്റ്റിലായ യുവാവിനെ കോടതി റിമാന്റ് ചെയ്തു.
