മുംബൈ- കനത്ത മഴയ്ക്കിടെ ലാന്‍ഡ് ചെയ്യുമ്പോള്‍ മുംബൈ എയര്‍പോര്‍ട്ടില്‍ റണ്‍വേയില്‍നിന്ന് തെന്നി ചെളിയില്‍ പൂണ്ട സ്‌പൈസ് ജെറ്റ് വിമാനം രണ്ടുദിവസത്തിനുശേഷം തിരികെ റണ്‍വേയിലെത്തിച്ചു.
ചൊവ്വാഴ്ചയാണ് മുംബൈ അന്താരാഷ്ട്ര വിമാനത്താവളത്തിലെ പ്രധാന റണ്‍വേയില്‍നിന്ന് വിമാനം തെന്നിയത്. ജയ്പൂര്‍-മുംബൈ വിമാനം റണ്‍വേ കടന്ന് അവസാന ഭാഗത്താണ് കുടുങ്ങിയിരുന്നത്. യാത്രക്കാരെല്ലാം സുരക്ഷിതരായിരുന്നു. അപകടത്തെ തുടര്‍ന്ന് റണ്‍വേ പ്രവര്‍ത്തിച്ചിരുന്നില്ല.
