ജയ്പൂര്‍- രാജസ്ഥാനിലെ ബാര്‍മര്‍ ജില്ലയിലെ ദെരാസര്‍ ഗ്രാമത്തില്‍ ഭാര്യ ഗര്‍ഭിണിയായാല്‍ പുനര്‍വിവാഹം ചെയ്യാം. ഇന്ത്യാ-പാക് അതിര്‍ത്തിയ്ക്കടുത്താണ് പ്രദേശം.
600ലധികം ജനസാന്ദ്രതയുള്ള ഈ ഗ്രാമത്തിലെ പുരുഷ•ാര്‍ക്കെല്ലാം രണ്ട് ഭാര്യമാര്‍ വീതമുണ്ട്. വിവാഹത്തോടുള്ള താല്‍പര്യം കൊണ്ടല്ല ഇവര്‍ രണ്ടാം വിവാഹം കഴിക്കുന്നത്. ഈ ഗ്രാമത്തിലെ വിചിത്രമായ ഒരു ആചാരമാണിത്. 70ലധികം മുസ്ലീം കുടുംബങ്ങളാണ് ഈ ഗ്രാമത്തിലുള്ളത്. എന്നാല്‍, മുസ്ലീം സമുദായത്തില്‍പ്പെട്ടവര്‍ മാത്രമല്ല പുനര്‍ വിവാഹം ചെയ്യുന്നത്. അഞ്ച് കിലോമീറ്ററിലധികം ദൂരം യാത്ര ചെയ്താണ് ഈ ഗ്രാമത്തിലെ സ്ത്രീകള്‍ കുടിവെള്ളം വീടുകളിലെത്തിക്കുന്നത്.
ഗര്‍ഭിണികളായ സ്ത്രീകള്‍ക്ക് അത്രയും ദൂരം നടക്കാനാകില്ല എന്ന കാരണത്താലാണ് പുരുഷ•ാര്‍ രണ്ടാം വിവാഹത്തിന് തയാറാകുന്നത്.
ആദ്യ ഭാര്യ ഗര്‍ഭിണിയായാല്‍ രണ്ടാം ഭാര്യ വീട് നോക്കണം. വര്‍ഷങ്ങളായി ഈ നാട്ടില്‍ തുടര്‍ന്ന് വരുന്ന ഒരു സമ്പ്രദായമാണിത്. കൂടാതെ, രണ്ടാം വിവാഹം കഴിക്കാതെ ഭാര്യ ഗര്‍ഭിണിയാകില്ല എന്ന വിശ്വാസവും ഇവിടുത്തെ ജനങ്ങള്‍ക്കുണ്ട്.
