ചെന്നൈ- ചെന്നൈയില്‍ മസാജ് പാര്‍ലറിന്റെ മറവില്‍ ഓണ്‍ലൈന്‍ പെണ്‍വാണിഭം നടത്തിവന്ന സംഘം പിടിയില്‍. നഗരത്തിലെ ഏറ്റവും തിരക്കേറിയ ഷോപ്പിംഗ് സെന്ററായ ടി നഗറില്‍ നിന്നാണ് നാലോളം യുവതികളെ പിടികൂടിയത്. കന്യാകുമാരി സ്വദേശി സുധനെ (24) പൊലീസ് അറസ്റ്റ് ചെയ്തു.
ടി നഗറിലെ മാസിലാമണി സ്ട്രീറ്റില്‍ കഴിഞ്ഞ ദിവസമായിരുന്നു സംഭവം. സുധനെപ്പം നിരവധി പേരുണ്ടെന്നാണ് റിപ്പോര്‍ട്ട്. ഇന്റര്‍നെറ്റ് വഴി ജോലിവാഗ്ദാനം നല്‍കിയായിരുന്നു പ്രതി സംഘത്തിലേക്ക് യുവതികളെ എത്തിച്ചിരുന്നത്.
രഹസ്യവിവരം ലഭിച്ചതിനെ തുടര്‍ന്നാണ് പൊലീസ് സ്ഥലത്ത് എത്തിയത്. വേഷം മാറിയെത്തിയ പൊലീസ് യുവതികളെ കണ്ടെത്തി. ഇവരെ സര്‍ക്കാര്‍ അഭയകേന്ദ്രത്തിലേക്ക് മാറ്റി. സുധന്‍ ഇരുപത് ദിവസത്തോളം ടി നഗറില്‍ താമസിച്ചിരുന്നു. ഈ സമയത്താണ് ഇടപാടുകള്‍ നടന്നതെന്നും പൊലീസ് പറഞ്ഞു.
