ജാംഷെഡ്പുർ- ജാർഖണ്ഡിലെ ജാംഷെഡ്പുരിൽ അഞ്ചു പോലീസുകാരെ മാവോയിസ്റ്റുകൾ വെടിവെച്ചുകൊന്നു. ജാംഷെഡ്പുരിൽനിന്ന് നാൽപത് കിലോമീറ്റർ അകലെ സരൈകേല ജില്ലയിലാണ് സംഭവം. പശ്ചിമബംഗാളിന്റെ അതിർത്തിയോട് ചേർന്ന പ്രദേശമാണിത്. പട്രോളിംഗ് നടത്തുകയായിരുന്ന പോലീസ് സംഘത്തിന് നേരെ മാവോയിസ്റ്റുകൾ വെടിയുതിർക്കുകയായിരുന്നു. പോലീസുകാരുടെ ആയുധങ്ങൾ ഭീകരരർ മോഷ്ടിച്ചു. രണ്ട് അസിസ്റ്റന്റ് സബ് ഇൻസ്‌പെക്ടർമാരും മൂന്നു പോലീസുകാരുമാണ് കൊല്ലപ്പെട്ടത്.
