ബംഗളുരു - ഇന്ത്യയുടെ രണ്ടാമത്തെ ചാന്ദ്ര ദൗത്യം, 'ചന്ദ്രയാൻ 2' ലെ വിക്ഷേപിണിയുടെ ചിത്രം ISRO പുറത്തുവിട്ടു. ജൂലൈ 9 നും 16 നും ഇടയിലാണ് ചന്ദ്രയാൻ 2 ദൗത്യം നടത്താൻ തീരുമാനിച്ചിരിക്കുന്നത്. എല്ലാം ഉദ്ദേശിച്ച പ്രകാരം നടക്കുകയാണെങ്കിൽ സെപ്റ്റംബർ 6 ന് ദൗത്യം ലക്ഷ്യത്തിലെത്തുമെന്ന് ISRO ശാസ്ത്രജ്ഞർ അറിയിച്ചു.
ഇന്ത്യയുടെ ബഹിരാകാശ ഗവേഷണ സ്ഥാപനമായ ബംഗളുരുവിലെ സാറ്റലൈറ്റ് ഇന്റഗ്രേഷൻ ആൻഡ് ടെസ്റ്റിംഗ് എസ്റ്റാബ്ലിഷ്മെന്റാണ് ലാൻഡറും അതിന്റെ ഓർബിറ്ററും അടങ്ങിയ ചിത്രം പുറത്തു വിട്ടത്.
വിക്ഷേപിണിയുടെ ഭാഗമായ റോവറിന് 'പ്രഗ്യാൻ' എന്ന പേരും ലാൻഡറിന് 'വിക്രം' എന്നുമാണ് പേരിട്ടിരിക്കുന്നത്.
ചന്ദ്രൻറെ ദക്ഷിണ ദ്രുവത്തിനടുത്തായുള്ള ഭാഗത്തായാണ് ഓർബിറ്റർ ലാൻഡ് ചെയ്യുക. ലാൻഡിംഗിന് ശേഷം ലാൻഡറിനുള്ളിലുള്ള ആറ് വീലുകളുള്ള റോവർ പരീക്ഷണങ്ങൾ നടത്താൻ തുടങ്ങും. 10 വർഷങ്ങൾക്കു ശേഷമുള്ള ISRO യുടെ രണ്ടാമത്തെ ചാന്ദ്ര ദൗത്യമാണ് 'ചന്ദ്രയാൻ 2'.
