കർവാർ(കർണാടക)- ഇന്ത്യയുടെ ഏക വിമാനവാഹിനി കപ്പലായ ഐ.എൻ.എസ് വിക്രമാദിത്യയിൽ അഗ്നിബാധയെ തുടർന്ന് നാവിക ഉദ്യോഗസ്ഥൻ മരിച്ചു. ലഫ്റ്റനൻന്റ് കമാണ്ടർ ഡി.എസ് ചൗഹാനാണ് മരിച്ചത്. തീയണക്കാനുള്ള ശ്രമത്തിനിടെയാണ് ഇദ്ദേഹം മരിച്ചത്. പുക ശ്വസിച്ചാണ് മരണം സംഭവിച്ചതെന്നാണ് പ്രാഥമിക വിവരം. തീ മറ്റു സ്ഥലങ്ങളിലേക്ക് പടരാതെ കാത്തത് ചൗഹാന്റെ സമയോചിത ഇടപെടലാണെന്ന് നാവികസേന അറിയിച്ചു. സംഭവത്തെ പറ്റി അന്വേഷിക്കാൻ സമിതി രൂപീകരിച്ചു. 284 മീറ്റർ നീളവും അറുപത് മീറ്റർ ഉയരവുമുള്ള കപ്പലാണിത്. നാൽപതിനായിരം ടൺ ഭാരമുള്ള കപ്പൽ ഇന്ത്യൻ നാവികസേനയുടെ ഏറ്റവും വലിയ കപ്പലാണ്.
