മെക്‌സിക്കോ സിറ്റി- മെക്‌സിക്കോയില്‍ പാര്‍ട്ടിക്കിടെയുണ്ടായ വെടിവെയ്പ്പില്‍ പിഞ്ചുകുഞ്ഞ് ഉള്‍പ്പെടെ 13 പേര്‍ കൊല്ലപ്പെട്ടു. കിഴക്കന്‍ മെക്‌സിക്കോയിലെ വെരക്രൂസ് ബാറില്‍ നടന്ന സ്വകാര്യ പരിപാടിക്കിടെയായിരുന്നു അജ്ഞാത സംഘം വെടിയുതിര്‍ത്തത്. ബാറിലേയ്ക്ക് അതിക്രമിച്ച് കടന്ന മുഖംമൂടി ധരിച്ച സംഘം ആള്‍ക്കൂട്ടത്തിന് നേരെ വെടിയുതിര്‍ക്കുകയായിരുന്നു. വെടിവെയ്പ്പില്‍ പിഞ്ചു കുഞ്ഞ് ഉള്‍പ്പെടെ ആറ് സ്ത്രീകളും ഏഴ് പുരുഷന്‍മാരും കൊല്ലപ്പെട്ടു. സംഭവത്തില്‍ നിരവധി പേര്‍ക്ക് പരിക്കേറ്റു. വെടിവെയ്പ്പിന് പിന്നില്‍ ആരാണെന്നോ എന്താണവരുടെ ഉദ്ദേശ്യം എന്നോ വ്യക്തമല്ല.
