ലഖ്‌നൗ- ഉത്തര്‍ പ്രദേശിലെ 80 ലോക്‌സഭാ സീറ്റിലും കോണ്‍ഗ്രസിനു സ്ഥാനാര്‍ത്ഥികളെ നിര്‍ത്താനുള്ള സ്വാന്ത്ര്യമുണ്ടെന്നും ബിജെപി നേരിടാന്‍ എസ്.പി-ബിഎസ്പി സഖ്യത്തിന് ശേഷിയുണ്ടെന്നും ബിഎസ്പി നേതാവ് മായാവതി. യുപിയില്‍ ഏഴു സീറ്റുകള്‍ എസ്പി-ബിഎസ്പി സഖ്യത്തിനു വേണ്ടി ഒഴിച്ചിട്ട കോണ്‍ഗ്രസിന്റെ നീക്കത്തോട് പ്രതികരിക്കുകയായിരുന്നു അവര്‍. ഉത്തര്‍ പ്രേശിലും പുറത്തും ഒരു വിശാല തെരഞ്ഞെടുപ്പു സഖ്യമുണ്ടാക്കാനുള്ള കോണ്‍ഗ്രസിന്റെ ഉദ്യമങ്ങളെ തള്ളിക്കൊണ്ടാണ് മയാവതിയുടെ വാക്കുകള്‍. എസ്പി-ബിഎസ് സഖ്യത്തിന് കോണ്‍ഗ്രസുമായി യുപിയിലോ രാജ്യത്ത് മറ്റിടങ്ങളിലൊ ഒരു തെരഞ്ഞെടുപ്പു ധാരണയും ഇല്ലെന്ന് മായാവതി വ്യക്തമാക്കി.
എസ്പി-ബിഎസ്പി-ആര്‍എല്‍ഡി സഖ്യ നേതാക്കള്‍ മത്സരിക്കുന്ന ഏഴു സീറ്റുകളില്‍ സ്ഥാനാര്‍ത്ഥികളെ നിര്‍ത്തില്ലെന്ന് കഴിഞ്ഞ ദിവസമാണ് കോണ്‍ഗ്രസ് പ്രഖ്യാപിച്ചത്. നേരത്തെ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ അമേത്തിയിലും സോണിയാ ഗാന്ധിയുടെ റായ്ബറേലിയിലും സ്ഥാനാര്‍ത്ഥികളെ നിര്‍ത്തില്ലെന്ന് എസ്പി-ബിഎസ്പി സഖ്യവും പ്രഖ്യാപിച്ചിരുന്നു.
कांग्रेस यूपी में भी पूरी तरह से स्वतंत्र है कि वह यहाँ की सभी 80 सीटों पर अपने उम्मीदवार खड़ा करके अकेले चुनाव लड़े आर्थात हमारा यहाँ बना गठबंधन अकेले बीजेपी को पराजित करने में पूरी तरह से सक्षम है। कांग्रेस जबर्दस्ती यूपी में गठबंधन हेतु 7 सीटें छोड़ने की भ्रान्ति ना फैलाये।
— Mayawati (@Mayawati) March 18, 2019
