കോട്ടയം- ആന കിടക്കാൻ ശ്രമിക്കുന്നതിനിടെ അടിയിൽപെട്ട് പാപ്പാൻ മരിച്ചു. ആലപ്പുഴ ചെന്നിത്തല അരുൺ പണിക്കരാണ് മരിച്ചത്. ഭാരത് വിശ്വനാഥൻ എന്ന ആനയെ കുളിപ്പിക്കുന്നതിനിടെയാണ് സംഭവം. ആനയോട് കിടക്കാൻ പറഞ്ഞതോടെ ആന അരുൺ നിൽക്കുന്ന ഭാഗത്തേക്ക് കിടക്കുകയായിരുന്നു. ആനയുടെ അടിയിൽപ്പെട്ട അരുണിനെ മറ്റ് പാപ്പാൻമാർ എത്തിയ ശേഷമാണ് പുറത്തെത്തിച്ചത്. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിന്റെ സി.സി.ടി.വി ദൃശ്യങ്ങളും പുറത്തുവന്നു.
