ലണ്ടന്‍- നരേന്ദ്ര മോഡി സര്‍ക്കാര്‍ അധികാരത്തിലേറിയ 2014 ലെ ലോക്‌സഭാ തെരഞ്ഞെടുപ്പില്‍ ഇലക്ട്രോണിക് വോട്ടിംഗ് യന്തങ്ങള്‍ ഹാക്ക് ചെയ്യപ്പെട്ടതായി അമേരിക്ക ആസ്ഥാനമായുള്ള സൈബര്‍ വിദഗ്ധന്‍ സയിദ് ഷുജ അവകാശപ്പെട്ടു. ലണ്ടനില്‍ ഇന്ത്യന്‍ ജേണലിസ്റ്റ് അസോസിയേഷന്‍ (യൂറോപ്പ്) സംഘടിപ്പിച്ച വാര്‍ത്താ സമ്മേളനത്തിലാണ് ഇക്കാര്യം വെളിപ്പെടുത്തിയത്.
ഇന്ത്യയില്‍ ഉപയോഗിക്കുന്ന വോട്ടിംഗ് യന്ത്രങ്ങള്‍ക്ക് രൂപം നല്‍കുന്നതില്‍ പങ്കുവഹിച്ചിരുന്നുവെന്ന് അവകാശപ്പെടുന്ന സയിദ് ഷുജ ഞെട്ടിക്കുന്ന വിവരങ്ങളാണ് പുറത്തുവിട്ടിരിക്കുന്നത്. മുതിര്‍ന്ന ബി.ജെ.പി നേതാവ് ഗോപിനാഥ് മുണ്ഡെ കൊല്ലപ്പെടാനുള്ള കാരണം ഇ.വി.എം ഹാക്കിംഗിനെ കുറിച്ച് അറിവുള്ളതിനാലാണെന്ന് അദ്ദേഹം പറയുന്നു. വോട്ടിംഗ് യന്ത്രങ്ങളില്‍ കൃത്രിമം നടന്ന കാര്യം വെളിപ്പെടുത്താന്‍ ഒരുങ്ങിയപ്പോഴാണ് അദ്ദേഹം കൊല്ലപ്പെട്ടതെന്നും സയിദ് ഷുജ പറഞ്ഞു.
