മൂവാറ്റുപുഴ-അമ്മയെ മദ്യം നല്‍കി മയക്കിയ ശേഷം മകളെ പീഡിപ്പിച്ചിരുന്നയാള്‍ പിടിയില്‍. മൂവാറ്റുപുഴ ആരക്കുഴ മുതുകല്ല് പാല്‍ സൊസൈറ്റിക്ക് സമീപം കരിമലയില്‍ സുരേഷ് (50) ആണ് പിടിയിലായത്. ഇയാളെ റിമാന്‍ഡ് ചെയ്തു. പെണ്‍കുട്ടി മൂവാറ്റുപുഴ പോലീസ് സ്റ്റേഷനിലെത്തി മൊഴി നല്‍കിയതിനെത്തുടര്‍ന്നാണ് പ്രതി പിടിയിലായത്.
അമ്മയുടെ കാമുകനായാണ് ഇയാള്‍ വീട്ടിലെത്തിയിരുന്നത്. അമ്മയ്ക്ക് മദ്യം നല്‍കി ബോധം കെടുത്തിയ ശേഷം പെണ്‍കുട്ടിയെ പീഡിപ്പിക്കുകയായിരുന്നു. പുറത്തുപറഞ്ഞാല്‍ കൊന്നുകളയുമെന്നു പറഞ്ഞ് ഭീഷണിപ്പെടുത്തിയിരുന്നുവെന്നും പോലീസ് പറഞ്ഞു.
