മലപ്പുറം- ലോക്സഭാ തെരഞ്ഞെടുപ്പിൽ മത്സരിക്കുന്ന മുസ്ലിം ലീഗ് സ്ഥാനാർത്ഥികളെ പ്രഖ്യാപിച്ചു. പൊന്നാനിയിൽ അബ്ദുസമദ് സമദാനിയും മലപ്പുറത്ത് ഇടി മുഹമ്മദ് ബഷീറും മത്സരിക്കും. തമിഴ്നാട്ടിലെ രാമനാഥപുരത്ത് നവാസ്ക്കയാകും മുസ്ലിം ലീഗ് സ്ഥാനാർത്ഥി. ഇന്നലെ മലപ്പുറത്ത് നടന്ന മുസ്ലിം ലീഗ് യോഗത്തിനുശേഷം സംസ്ഥാന പ്രസിഡണ്ട് പാണക്കാട് സയ്യിദ് സാദിക്കലി ശിഹാബ് തങ്ങളാണ് സ്ഥാനാർത്ഥി പ്രഖ്യാപനം നടത്തിയത്.
അടുത്ത ജൂണിൽ മുസ്ലിം ലീഗിന് അധികമായി ലഭിക്കുന്ന രാജ്യസഭയിലെ ക്കുള്ള സ്ഥാനാർത്ഥിയെ ആ സമയത്ത് ലീഗ് പ്രഖ്യാപിക്കുന്നതാണ് എന്നും പാണക്കാട് തങ്ങൾ മാധ്യമപ്രവർത്തകരോട് പറഞ്ഞു. ഒരു രാജ്യസഭാ സീറ്റ് മുസ്ലിം ലീഗ് നൽകുന്നതിന് യുഡിഎഫിൽ തീരുമാനമായിരുന്നു. ഇത്തവണ മുസ്ലിം ലീഗിനെ രാജ്യസഭാ സീറ്റ് നൽകാനും പിന്നീട് റൊട്ടേഷൻ അടിസ്ഥാനത്തിൽ രാജ്യസഭാ സീറ്റ് നൽകാനുമാണ് യുഡിഎഫിൽ തീരുമാനമായിട്ടുള്ളത്.
