കൊച്ചി - നടിയെ ആക്രമിച്ച് ദൃശ്യങ്ങള് പകര്ത്തിയ കേസില് എട്ടാം പ്രതിയായ ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട ഹര്ജി ഹൈക്കോടതി തള്ളി. ജസ്റ്റിസ് സോഫി തോമസിന്റെ ബെഞ്ചാണ് സര്ക്കാരിന്റെ ഹര്ജിയില് വിധി പറഞ്ഞത്. ജാമ്യത്തില് പുറത്തിറങ്ങിയതിന് ശേഷം സാക്ഷികളെ സ്വാധീനിക്കാന് ദിലീപ് ശ്രമം നടത്തിയെന്നും തെളിവുകള് അട്ടിമറിക്കാന് ശ്രമിച്ചുവെന്നുമാണ് ആരോപണം. ദിലീപിന്റെ ജാമ്യം റദ്ദാക്കണമെന്ന ആവശ്യവുമായി സര്ക്കാര് വിചാരണ കോടതിയെ സമീപിച്ചിരുന്നെങ്കിലും തള്ളിയിരുന്നു. തുടര്ന്നാണ് സര്ക്കാര് ഹൈക്കോടതിയെ സമീപിച്ചത്.
