കൊല്ലം - ബൈക്കില്‍ സഞ്ചരിക്കുമ്പോള്‍ തെരുവുനായയുടെ ആക്രമണത്തില്‍ നിന്ന് രക്ഷപ്പെടാന്‍ ശ്രമിക്കുന്നതിനിടെ അപകടത്തില്‍പ്പെട്ടയാള്‍ മരിച്ചു. കൊല്ലം പന്മന പുതുവിളയില്‍ നിസാര്‍ (45) ആണ് മരിച്ചത്. കൊല്ലം ചവറയില്‍ ഫെബ്രുവരി ഒന്‍പതിന് പുലര്‍ച്ചെയാണ് അപകടം നടന്നത്. നിസാര്‍ ബൈക്കില്‍ യാത്ര ചെയ്യമ്പോള്‍ ഇദ്ദേഹത്തിന്റെ വാഹനത്തിന് പുറകെ തെരുവുനായ കുരച്ചുകൊണ്ട് ഓടുകയായിരുന്നു. കടിയേല്‍ക്കാതിരിക്കാനുള്ള ശ്രമത്തിനിടെ ബൈക്ക് നിയന്ത്രണം വിട്ട് റോഡരികിലെ വൈദ്യുതി തൂണില്‍ ഇടിച്ചു. തുടര്‍ന്ന് ഒരാഴ്ചയായി ചികിത്സയിലായിരുന്നു. ഇന്ന് രാവിലെയാണ് മരിച്ചത്.
