കൊച്ചി - സംഘർഷത്തെ തുടർന്ന് അനിശ്ചിത കാലത്തേക്ക് അടച്ച എറണാകുളം മഹാരാജാസ് കോളേജ് തുറക്കാൻ തീരുമാനം. നാളെ മുതൽ കോളജ് തുറന്നുപ്രവർത്തിക്കുമെന്ന് അധികൃതർ അറിയിച്ചു.
കുറച്ച് ദിവസങ്ങളിൽ കോളേജിൽ പോലീസ് സാന്നിധ്യം ഉണ്ടാകും. ആറ് മണിക്ക് കോളേജ് ഗേറ്റ് അടക്കും. ഐ.ഡി കാർഡുകൾ എല്ലാ വിദ്യാത്ഥികൾക്കും നൽകുമെന്നും ഇത് നിർബന്ധമായും ധരിക്കണമെന്നും പ്രിൻസിപ്പൽ പറഞ്ഞു. കോളേജ് സുരക്ഷയ്ക്കായി അഞ്ച് സെക്യൂരിറ്റിക്കാരെ നിയമിക്കാൻ സർക്കാരിന് കത്ത് നൽകിയിട്ടുണ്ട്. മറുപടി ലഭിക്കുന്നതിനനുസരിച്ച് തുടർ നടപടിയുണ്ടാകും. വിദ്യാർത്ഥികൾക്ക് സമാധാനപരമായി പഠിക്കാനുള്ള അന്തരീക്ഷം സൃഷ്ടിക്കുമെന്നും പ്രിൻസിപ്പൽ ഇൻ ചാർജ് ഷജില പറഞ്ഞു.
