VIDEO - രഞ്ജിത് ശ്രീനിവാസൻ വധക്കേസ്: ശിക്ഷാവിധി തിങ്കളാഴ്ച

ആ​ല​പ്പു​ഴ-ബി.​ജെ.​പി നേതാവും അഭിഭാഷകനുമായിരുന്ന ര​ൺ​ജി​ത്​ ശ്രീ​നി​വാ​സ​നെ വീട്ടിൽ കയറി വെട്ടിക്കൊ​ല​പ്പെ​ടു​ത്തി​യ കേ​സി​ൽ 15 പ്രതികളും കുറ്റക്കാരെന്ന് കോടതി. മാ​വേ​ലി​ക്ക​ര അ​ഡീ​ഷ​ന​ൽ സെ​ഷ​ൻ​സ്​ കോ​ട​തി വി ജി ശ്രീദേവിയാണ്  കേസിൽ വിധി പറഞ്ഞത്. പ്രതികളുടെ ഭാഗം കേട്ടശേഷം ശിക്ഷ തിങ്കളാഴ്ച വിധിക്കും. 15 പ്രതികളും 

പോ​പു​ല​ർ ഫ്ര​ണ്ട്​ പ്ര​വ​ർ​ത്ത​ക​രാണ്. ഒന്നുമുതൽ 8 വരെ പ്രതികൾക്കെതിരേ കൊലക്കുറ്റമാണ് തെളിഞ്ഞിരിക്കുന്നത്. ബാക്കിയുള്ളവർ ഗൂഢാലോചനക്കേസിലും കുറ്റക്കാരാണ്. 
2021 ഡി​സം​ബ​ർ 19ന്​​ ​രാ​വി​ലെ ആ​ല​പ്പു​ഴ വെ​ള്ള​ക്കി​ണ​റി​ലെ കു​ന്നും​പു​റ​ത്ത്​ വീ​ട്ടി​ൽ ക​യ​റി​യ സം​ഘം അ​മ്മ​യു​ടെ​യും ഭാ​ര്യ​യു​ടെ​യും മ​ക​ളു​ടെ​യും മു​ന്നി​ലി​ട്ട്​​ ര​ൺ​ജി​ത്തി​നെ വെ​ട്ടി​ക്കൊ​ല​പ്പെ​ടു​ത്തു​ക​യാ​യി​രു​ന്നു. വ​യ​ലാ​റി​ൽ ആ​ർ.​എ​സ്.​എ​സ് പ്ര​വ​ർ​ത്ത​ക​ൻ ന​ന്ദു കൊ​ല്ല​പ്പെ​ട്ട​തി​നെ​ത്തു​ട​ർ​ന്ന്​​ തി​രി​ച്ച​ടി ഉ​ണ്ടാ​കു​മ്പോ​ൾ കൊ​ല ചെ​യ്യ​പ്പെ​ടേ​ണ്ട​വ​രു​ടെ പ​ട്ടി​ക ഉ​ണ്ടാ​ക്കി​യ സം​ഘം ര​ൺ​ജി​ത് ശ്രീ​നി​വാ​സ​നെ ക്രൂ​ര​മാ​യി കൊ​ല​പ്പെ​ടു​ത്തി​യെ​ന്നാ​ണ് കേ​സ്.
ഡി​സം​ബ​ർ 18ന്​ ​രാ​ത്രി എ​സ്.​ഡി.​പി.​ഐ സം​സ്ഥാ​ന സെ​ക്ര​ട്ട​റി അ​ഡ്വ. കെ.​എ​സ്. ഷാ​നി​നെ ആ​ർ.​എ​സ്.​എ​സ്​ പ്ര​വ​ർ​ത്ത​ക​ർ കൊ​ല​പ്പെ​ടു​ത്തി​യ​തി​ന്​​ പി​ന്നാ​ലെ​യാ​ണ്​ ര​ൺ​ജി​ത്തി​നെ കൊ​ന്ന​ത്. 
കോമളപുരം സ്വദേശി നൈസാമാണ് ഒന്നാം പ്രതി. മണ്ണഞ്ചേരി സ്വദേശി അജ്മൽ, വട്ടയാൽ സ്വദേശി അനൂപ്, ആര്യാട് തെക്ക് സ്വദേശി മുഹമ്മദ് അസ്‌ലം, പൊന്നാട് സ്വദേശി അബ്ദുൾകലാം, മണ്ണഞ്ചേരി സ്വദേശി അബ്ദുൾകലാം, മുല്ലാത്ത് സ്വദേശി സഫറുദ്ദീൻ സലീം, മണ്ണഞ്ചേരി സ്വദേശി മൻഷാദ്, ജസീം, കല്ലൂപ്പാല സ്വദേശി നവാസ്, ഷമീർ, ആര്യാട് വടക്ക് സ്വദേശി നസീർ എന്നിവരാണ് 15 പ്രതികൾ. അഡ്വ. ഷാൻ വധക്കേസിൽ ഇതുവരെ വിചാരണ തുടങ്ങിയിട്ടില്ല.
സുരക്ഷാ ക്രമീകരണങ്ങളുടെ ഭാഗമായി വൻ പോലിസ് സന്നാഹത്തെയാണ് കോടതിയിലും പരിസരത്തും വിന്യസിച്ചിരുന്നത്. വിധിക്കുശേഷം പ്രതികളെ ജയിലിലേക്ക് കൊണ്ടുപോയി.