തിരുവനന്തപുരം- ഈ മാസം 27, 28 തീയതികളില്‍ കേരളത്തില്‍ ഒറ്റപ്പെട്ട കനത്ത മഴയ്ക്കു സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ബംഗാള്‍ ഉള്‍ക്കടലില്‍ അടുത്ത 48 മണിക്കൂറിനുള്ളില്‍ ന്യൂനമര്‍ദം രൂപപ്പെടാന്‍ സാധ്യതയുണ്ട്. ഇത് കേരളത്തിലെ വിവിധയിടങ്ങളില്‍ കനത്ത മഴയ്ക്ക് ഇടയാക്കും. തിങ്കളാഴ്ച കോട്ടയം, ഇടുക്കി, എറണാകുളം, തൃശൂര്‍ ജില്ലകളിലും ചൊവ്വാഴ്ച മലപ്പുറം കോഴിക്കോട്, വയനാട്, കണ്ണൂര്‍ ജില്ലകളിലുമാണ് ഒറ്റപ്പെട്ട മഴ പ്രതീക്ഷിക്കുന്നത്. ഏഴു മുതല്‍ 11 സെന്റീമീറ്റര്‍ വരെ തോതില്‍ മഴ പെയ്യുമെന്നാണ് പ്രവചനം.
