ദുബായ്- ദുബായ് മാരത്തണിന് വഴിയൊരുക്കുന്നതിനായി ഉമ്മു സുഖീം, ജുമൈറ മേഖലകളിലെ നിരവധി റോഡുകള്‍ ഞായറാഴ്ച പുലര്‍ച്ചെ മുതല്‍ ഉച്ചയ്ക്ക് 1 മണി വരെ അടച്ചിടുമെന്ന് റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍ടിഎ) സ്ഥിരീകരിച്ചു.
ദുബായ് മാരത്തണ്‍ രാവിലെ 6 മുതല്‍ ഉച്ചയ്ക്ക് 1 വരെയാണ്. റോഡ് അടച്ചതിന്റെ മുഴുവന്‍ വിശദാംശങ്ങളും അധികൃതര്‍ ഇതുവരെ പ്രഖ്യാപിച്ചിട്ടില്ല, എന്നാല്‍ ഉമ്മു സുഖീം സ്ട്രീറ്റ്, ജുമൈറ ബീച്ച് റോഡ്, അല്‍ വാസല്‍ റോഡ് എന്നിവയുടെ ഭാഗങ്ങള്‍ അടച്ചിടും.
മാരത്തണ്‍ റൂട്ട് മാപ്പിന്റെ ഒരു വീഡിയോ ട്വീറ്റ് ചെയ്തആര്‍.ടി.എ മിഡില്‍ ഈസ്റ്റിലെ ആദ്യത്തേതും ഏറ്റവും പഴക്കമുള്ളതുമായ അന്താരാഷ്ട്ര മാരത്തണിന്റെ 2024 പതിപ്പില്‍ നിരവധി ഓട്ടക്കാര്‍ പങ്കെടുക്കുമെന്ന് അറിയിച്ചു. ജുമൈറ ബീച്ച് റോഡിലൂടെ 42.195 കിലോമീറ്റര്‍ ദൂരത്തില്‍ ദുബായ് പോലീസ് അക്കാദമിക്ക് സമീപമുള്ള ഉമ്മു സുഖീം റോഡിലാണ് മാരത്തണ്‍ ആരംഭിക്കുക.
മത്സരാധിഷ്ഠിത മാരത്തണിന് പുറമെ, എലൈറ്റ്, അമേച്വര്‍ ഓട്ടക്കാര്‍ 10 കിലോമീറ്റര്‍ വിഭാഗത്തിലും മത്സരിക്കും, അതേസമയം തുടക്കക്കാര്‍ക്കായി 4 കിലോമീറ്റര്‍ ഓട്ടവുമുണ്ട്.
ദുബായ് സ്പോര്‍ട്സ് കൗണ്‍സിലിന്റെ അനുമതിയോടെ, 2024ലെ ദുബായ് മാരത്തണില്‍ അന്താരാഷ്ട്ര മുന്‍നിര അത്ലറ്റുകള്‍, വളര്‍ന്നുവരുന്ന താരങ്ങള്‍, അരങ്ങേറ്റ ഓട്ടക്കാര്‍ എന്നിവര്‍ പങ്കെടുക്കും.
