കല്‍പറ്റ-ജനതാദള്‍(എസ്)ദേശീയ സെക്രട്ടറി പദവിയില്‍ വയനാട് സ്വദേശി. വെള്ളമുണ്ട കൈപ്പാണി മമ്മൂട്ടി-സുബൈദ ദമ്പതികളുടെ മകന്‍ ജുനൈദാണ് പാര്‍ട്ടി ദേശീയ നേതാക്കളുടെ നിരയില്‍ ഇടം പിടിച്ചത്.
ബംഗളൂരുവില്‍ ചേര്‍ന്ന ജെ.ഡി.എസ് അഖിലേന്ത്യാ പ്ലീനത്തിലെ പാര്‍ട്ടി പുനഃസംഘടനാപ്രമേയത്തിന്റ അടിസ്ഥാനത്തിലാണ് നിയമനം. ജില്ലാ പഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാനാണ്. കേരള യൂനിവേഴ്‌സിറ്റി യൂനിയന്‍ വൈസ് ചെയര്‍മാന്‍, യുവജനതാദള്‍ സംസ്ഥാന സെക്രട്ടറി, ദേശീയ സമിതിയംഗം, ജനതാദള്‍-എസ് ജില്ലാ വൈസ് പ്രസിഡന്റ്, ജനറല്‍ സെക്രട്ടറി എന്നീ നിലകളില്‍ പ്രവര്‍ത്തിച്ചിട്ടുണ്ട്.ഭാര്യ ജസ്‌നയും(അധ്യാപിക)ആദില്‍ ജിഹാന്‍, ജസ ഫാത്തിമ, ഐസ ഹിന്ദ് എന്നീ മക്കളും അടങ്ങുന്നതാണ് കുടുംബം.
