ഒരു വ്യാഴവട്ടത്തിന്റെ ഇടവേളക്കു ശേഷം സഞ്ജീവ് രാജ്പുത് ഏഷ്യന്‍ ഗെയിംസില്‍ വീണ്ടും മെഡല്‍ നേടി. 2006 ലെ ദോഹ ഗെയിംസില്‍ വെങ്കലം കരസ്ഥമാക്കിയ മുപ്പത്തേഴുകാരന്‍ ഇത്തവണ 50 മീറ്റര്‍ റൈഫിള്‍ 3 പൊസിഷനില്‍ വെളളിത്തിളക്കത്തിലേക്കുയര്‍ന്നു. കഴിഞ്ഞ കോമണ്‍വെല്‍ത്ത് ഗെയിംസിലെ ചാമ്പ്യനാണ്. സ്റ്റാന്‍ഡിംഗ് പൊസിഷനില്‍ നിരാശപ്പെടുത്തിയ സഞ്ജീവ് നീലിംഗിലും പ്രോണിലും മികച്ച പ്രകടനത്തോടെയാണ് ചൈനയുടെ സിഷെംഗ് ഹുയിക്ക് തൊട്ടുപിന്നിലെത്തിയത്. കോമണ്‍വെല്‍ത്ത് ഗെയിംസില്‍ 2006 ല്‍ വെങ്കലവും 2014 ല്‍ വെള്ളിയും കരസ്ഥമാക്കിയിരുന്നു.
