പാലക്കാട് - പാലക്കാട് ജില്ലയിലെ കാഞ്ഞിരപ്പുഴയിൽ രണ്ടുപേരെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കാഞ്ഞിരപ്പുഴ സ്വദേശി കുറുമ്പൻ (56), ഇദ്ദേഹത്തിന്റെ സുഹൃത്ത് കരിമ്പുഴ സ്വദേശി ബാലു (45) എന്നിവരെയാണ് മരിച്ച നിലയിൽ കണ്ടെത്തിയത്.
കുറുമ്പന്റെ വീട്ടിനുള്ളിൽ തിങ്കളാഴ്ച വൈകീട്ടോടെയാണ് ഇരുവരെയും മരിച്ച നിലയിൽ കണ്ടെത്തിയത്. മണ്ണാർക്കാട് പോലീസെത്തി മൃതദേഹങ്ങൾ താലൂക്ക് ആശുപത്രിയിലേക്ക് മാറ്റി. മരണകാരണം സംബന്ധിച്ച് അന്വേഷണം നടക്കുന്നതായും ഒരാളെ കാണാനില്ലെന്നും പോലീസ് പ്രതികരിച്ചു.
