പത്തനംതിട്ട - പത്തനംതിട്ട കൊടുമണ്ണില്‍ ഒമ്പതാം ക്ലാസുകാരിയെ തട്ടിക്കൊണ്ടുപോയ കേസില്‍ നാല് പേര്‍ പിടിയില്‍. പെണ്‍കുട്ടിയുമായി പോകും വഴി പ്രതികള്‍ സഞ്ചരിച്ച വാഹനം വഴി മധ്യേ കേടാവുകയും പോലീസിന്റെ പിടിയിലാവുകയുമായിരുന്നു. പ്രതികളില്‍ ഒരാള്‍ക്ക് പെണ്‍കുട്ടിയുമായി അടുപ്പമുണ്ട് . ഇയാളും സുഹൃത്തുക്കളുമാണ് കുട്ടിയെ തട്ടിക്കൊണ്ടു പോയത്. ഇലവുംതിട്ട സ്വദേശികളായ അരുണ്‍, ബിജു, അജി ശശി, അഭിഷിക് എന്നിവരാണ് പിടിയിലായത്. കഴിഞ്ഞ ദിവസം രാത്രിയാണ് തട്ടിക്കൊണ്ടു പോകല്‍ നടന്നത്.
