കൊല്ലം-കുട്ടിയെ തട്ടിക്കൊണ്ടു പോയ കേസില്‍ മൂന്നു പ്രതികളെയും െ്രെകംബ്രാഞ്ചിന്റെ കസ്റ്റഡിയില്‍ വിട്ടു. കൊട്ടാരക്കര കോടതിയില്‍ ഹാജരാക്കിയ ശേഷമാണ് പ്രതികളെ കസ്റ്റഡിയില്‍ വിട്ടത്.
ക്രൈം ബ്രാഞ്ച് നല്‍കിയ അപേക്ഷ പരിഗണിച്ചാണ് നടപടി. പദ്മകുമാര്‍, ഭാര്യ അനിതാകുമാരി, മകള്‍ അനുപമ എന്നിവരാണ് കേസിലെ പ്രതികള്‍. പ്രതികളുമായി തമിഴ്‌നാട് ഉള്‍പ്പെടെയുള്ള സ്ഥലങ്ങളില്‍ തെളിവെടുപ്പ് നടത്തേണ്ടതിനാല്‍ ഏഴ് ദിവസത്തെ കസ്റ്റഡിയാണ് ക്രൈംബ്രാഞ്ച് ആവശ്യപ്പെട്ടത്. എന്നാല്‍ പ്രതിഭാഗം ഇതിനെ എതിര്‍ത്തു.
പ്രതികളെ കസ്റ്റഡിയില്‍ വാങ്ങി കൊട്ടാരക്കര താലൂക്ക് ആശുപത്രിയില്‍ എത്തിച്ച് വൈദ്യപരിശോധന നടത്തി. തുടര്‍ന്ന് െ്രെകംബ്രാഞ്ച് ഓഫീസിലെത്തിച്ചു. പ്രതികളെ വിശദമായ ചോദ്യം ചെയ്യലിന് ശേഷമാകും നാളെ വൈകിട്ടോടെ തെളിവെടുപ്പിന് കൊണ്ടുപോകുകയെന്ന് അന്വേഷണ ഉദ്യോഗസ്ഥന്‍ പറഞ്ഞു.
