തിരുവനന്തപുരം- വീട്ടിൽ മരിച്ച നിലയിൽ കണ്ടെത്തിയ പ്രമുഖ സാമ്പത്തിക ശാസ്ത്രജ്ഞൻ കുഞ്ഞാമന്റെ മേശയിൽനിന്ന് ആത്മഹത്യാ കുറിപ്പ് കണ്ടെത്തി. ഏറെ നാളായി ആലോചിക്കുന്ന തീരുമാനമാണെന്നും മറ്റാരും ഇതിന് ഉത്തരാദിയല്ലെന്നുമുള്ള കുറിപ്പാണ് ലഭിച്ചതെന്ന് പോലീസ് പറഞ്ഞു. താൻ ഈ ലോകത്തുനിന്ന് പോകുന്നുവെന്നും കുറിപ്പിലുണ്ട്. കാൻസർ ബാധിച്ചതിനെ തുടർന്ന് കുഞ്ഞാമന്റെ ഭാര്യ രണ്ടു മാസത്തിലേറെയായി വണ്ടൂരിൽ ചികിത്സയിലാണ്. കുറെ ദിവസങ്ങളായി കുഞ്ഞാമൻ തനിച്ചായിരുന്നു വീട്ടിൽ. ഇന്ന് വൈകിട്ട് സുഹൃത്ത് കെ.എം ഷാജഹാൻ എത്തിയപ്പോഴാണ് കുഞ്ഞാമനെ മരിച്ച നിലയിൽ കണ്ടെത്തിയത്. തുടർന്ന് പോലീസിനെ വിവരം അറിയിച്ചു. ഇൻക്വസ്റ്റ് തയ്യാറാക്കി പോസ്റ്റുമോർട്ടത്തിനായി അയച്ചു. ഡോ.കെ.ആർ നാരായണന് ശേഷം സാമ്പത്തിക ശാസ്ത്രം എം.എയിൽ കേരളത്തിൽ റാങ്ക് നേടുന്ന ആദ്യ ദലിതായിരുന്നു കുഞ്ഞാമൻ.
