മലപ്പുറം- തിങ്കളാഴ്ച രാത്രി പെയ്ത കനത്ത മഴയെ തുടര്‍ന്ന് ഇന്ന് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും അവധിയായിരിക്കുമെന്ന് ജില്ലാ കലക്ടര്‍ അമിത് മീണ അറിയിച്ചു. രാവിലെ എട്ടു മണിക്കാണ് കലക്ടര്‍ അവധി പ്രഖ്യാപിച്ചത്. പ്രൊഫഷണല്‍ കോളെജുകള്‍ക്കും അവധി ബാധകമാണ്. ഇതിനകം പലയിടത്തും സ്‌കൂള്‍ വാഹനങ്ങളിലും മറ്റുമായി കുട്ടികള്‍ സ്‌കൂളിലെത്തിയിരുന്നു. കഴിഞ്ഞ ദിവസം രാത്രി പെയ്ത കനത്ത മഴ സംബന്ധിച്ച റിപോര്‍ട്ടുകള്‍ താലുക്കുകളില്‍ നിന്ന് രാവിലെയോടെയാണ് ലഭിച്ചത്. ഇതനുസരിച്ചാണ് രാവിലെ അവധി പ്രഖ്യാപിച്ചതെന്ന് കലക്ടര്‍ വ്യക്തമാക്കി.
