ആലപ്പുഴ - ആലപ്പുഴയിൽ ഓട്ടിസം ബാധിച്ച മകനെ കൊലപ്പെടുത്തി മാതാവ് ആത്മഹത്യക്ക് ശ്രമിച്ചു. അമ്പലപ്പുഴ ക്ഷേത്രത്തിന് സമീപം താമസിക്കുന്ന ശോഭയാണ് മകൻ മഹേഷിനെ തീ കൊളുത്തി കൊലപ്പെടുത്തി ആത്മഹത്യക്ക് ശ്രമിച്ചത്.
മണ്ണെണ്ണ ഒഴിച്ചാണ് മകൻ മഹേഷിനെ തീ കൊളുത്തിയത്. പിന്നീട് സ്വയം തീ കൊളുത്തി മരിക്കാൻ ശ്രമിക്കുകയായിരുന്നു ശോഭ. വീടിന് തീ പിടിച്ചത് കണ്ട നാട്ടുകാർ ഓടിയെത്തി ഇരുവരെയും ആശുപതിയിൽ എത്തിച്ചെങ്കിലും മഹേഷിന്റെ ജീവൻ രക്ഷിക്കാനായില്ല. ശോഭ വണ്ടാനം മെഡിക്കൽ കോളജിൽ ഗുരുതരാവസ്ഥയിൽ കഴിയുകയാണ്.
