(വടകര) കോഴിക്കോട് - വടകരയിൽ രണ്ട് കുട്ടികൾ ഉൾപ്പെടെ ഒമ്പത് പേർക്ക് തേനിച്ചയുടെ കുത്തേറ്റു. ഇതിൽ രണ്ട് കുട്ടികൾക്ക് ഗുരുതര പരുക്കുണ്ടെന്നാണ് വിവരം. വടകര ഹെൽത്ത് സെന്ററിന് സമീപത്തുകൂടി പോകവെ ശനിയാഴ്ച വൈകുന്നേരം 4.30-ഓടെയാണ് സംഭവം. തേനീച്ചകൾ കൂട്ടത്തോടെയെത്തി ആക്രമിക്കുകയായിരുന്നു. ആദ്യം ഫിദ, ഫാത്തിമ എന്നീ കുട്ടികളെയാണ് തേനീച്ച ആക്രമിച്ചത്. ഇവരെ രക്ഷിക്കാനെത്തിയ മറ്റ് ഏഴ് പേർക്കും കുത്തേൽക്കുകയായിരുന്നു. ഒമ്പത് പേരെയും വടകര ജില്ലാ ആശുപത്രിയിൽ പ്രവേശിപ്പിച്ചു.
